नेपाली कम्युनिष्ट पार्टीले देशैभर एकता सन्देश सभा गर्ने

काठमाडौँ । नेपाली कम्युनिष्ट पार्टीले देशैभर एकता सन्देश सभा गर्ने भएको छ । आइतबार पार्टी केन्द्रीय कार्यालय, पेरिसडाँडामा बसेको नवगठित नेपाली कम्युनिष्ट पार्टीको उपलब्ध पूर्व पदाधिकारीहरूको बैठकले मङ्सिर ९ गतेदेखि प्रदेश, जिल्ला र पालिका तहमा एकता सन्देश सभा गर्ने निर्णय गरेको नेपाली कम्युनिष्ट पार्टीका नेता झलनाथ खनालले जानकारी दिए ।

पार्टी एकताको सन्देश प्रवाह गर्नका लागि अपिल प्रकाशित गर्ने पनि निर्णय भएको जानकारी दिए । त्यस्तै एकताको सन्दर्भमा विशेष अन्तर पार्टी निर्देशन जारी गर्दै पार्टीलाई एकढिक्का बनाउने निर्णय भएको उनले बताए ।

अन्तर पार्टी निर्देशन जारी गर्दा एकता सन्देश कार्यक्रमको मोडालिटी समेत उल्लेख गरिने जानकारी दिँदै खनालले अशोक राई र उपेन्द्र यादवको पार्टीसँग कुराकानी भइरहेको भन्दै केहि अवधिभित्र एकीकृत हुने विश्वास व्यक्त गरे ।

प्रदेश स्तरीय एकता सन्देश सभा

१) सुदूरपश्चिम प्रदेश स्तरीय एकता सन्देश सभा – मंसिर ९ गते

२) कर्णाली प्रदेश स्तरीय एकता सन्देश सभा – मंसिर १० गते

३)लुम्बिनी प्रदेश स्तरीय एकता सन्देश सभा – मंसिर ११ गते

४) गण्डकी प्रदेश स्तरीय एकता सन्देश सभा – मंसिर १२ गते

५) मधेस प्रदेश स्तरीय एकता सन्देश सभा – मंसिर १३ गते

६) कोशी प्रदेश स्तरीय एकता सन्देश सभा – मंसिर १४ गते

७) बागमती प्रदेश स्तरीय एकता सन्देश सभा – पछि मिति तय गरे अनुसार

जिल्ला स्तरीय एकता तथा सन्देश सभा

१) बागमती प्रदेशको सबै जिल्लाको एकैदिन – मंसिर १३ गते

२) सुदूरपश्चिम प्रदेशको सबै जिल्लाको एकैदिन – मंसिर १५ गते

३) कर्णाली प्रदेशको सबै जिल्लाको एकैदिन – मंसिर १६ गते

४) लुम्बिनी प्रदेशको सबै जिल्लाको एकैदिन – मंसिर १७ गते

५) गण्डकी प्रदेशको सबै जिल्लाको एकैदिन – मंसिर १८ गते

६) मधेस प्रदेशको सबै जिल्लाको एकैदिन– मंसिर १९ गते

७) कोशी प्रदेशको सबै जिल्लाको एकैदिन – मंसिर २० गते

पालिका स्तरीय एकता सन्देश सभा

१) देशैभरीको पालिकामा एकैदिन – मंसिर २७ गते